Sabon shugaban kasar Koriya ta Kudu, Lee Jae-myung ya yi nuni da cewa, zai yi tattaunawar sulhu da takwaransa na kasar Koriya ta Arewa, jim kadan bayan bikin rantsar da shi a Seoul a ranar 4 ga Yunin, 2025.
Lee Jae-myung ya yi alƙawarin tuntuɓar Koriya ta Arewa da ke da makaman nukiliya domin “neman sulhu” yayin da ya hau kan karagar mulki a ranar Laraba, bayan wani gagarumar nasara da aka samu a zaɓen gaggawa da aka yi sakamakon ayyana dokar ta-baci da magabacinsa ya haifar.
- DSS Da Sojoji Sun Kashe ‘Yan Bindiga 45 A Neja
- Kocin Inter Milan Simone Inzaghi Ya Bar Kungiyar Kwanaki Biyu Bayan Rashin Nasara A Hannun PSG
Lokacin da ya hau kan karagar mulki, Lee ya yi magana da babban kwamandan sojan Koriya ta Kudu, kuma yana mai kira da a yi taka tsantsan a yayin da za a iya tunzura takwaran nasa, Pyongyang.
“Za mu warkar da raunukan rarrabuwar kawuna da yaki da kuma kafa makomar zaman lafiya da wadata,” in ji shi. “Komai runtsi, zaman lafiya ya fi yaki.”
