Sarkin Hausawan Ibadan Ya Rasu

Sarkin Hausawan Ƙasar Ibadan, Alhaji Ali Dahiru Zungeru, ya rasu.

Rahotanni sun nuna cewa ya rasu ne a daren ranar Litinin.

• Sakataren APC Ya Buƙaci Murabus Ɗin Wike Saboda “Tsoma Baki” A Harkokin Jam’iyya
• AFCON 2025: Super Eagles Sun Murƙushe Mozambique Da Ci 4–0

Marigayi Alhaji Zungeru shi ne shugaban al’ummar Hausawa a Ibadan.

An naɗa shi Sarkin Hausawa ne watanni kaɗan da suka wuce, bayan ya gaji ɗan uwansa, Ahmadu Dahiru Zungeru.

Mahaifinsu, Alhaji Dahiru Zungeru, shi ma ya taɓa zama Sarkin Hausawan Ibadan a baya.

Wani daga cikin shugabannin al’ummar Hausawa a yankin Sabo na Ibadan ya tabbatar da rasuwarsa, inda ya ce za a yi jana’izarsa a ranar Talata bisa koyarwar addinin Musulunci.