Mambar majalisar gudanarwar kasar Sin Shen Yiqin, ta jaddada muhimmancin kara zage damtse wajen kula da yara, da tabbatar da sun girma cikin koshin lafiya da walwala.
Shen, wadda kuma ita ce shugabar kwamitin kasa mai lura da harkokin yara da mata, karkashin majalisar gudanarwar kasar Sin, ta yi tsokacin ne yayin da ta halarci cibiyar lura da kananan yara ta kasar Sin, albarkacin ranar yara ta duniya da aka yi bikin ta a ranar Asabar.
Yayin da take cudanya da yara a cibiyar, Shen ta ja hankalin su da su kuduri aniyar cimma manyan burika, kana su yi kokarin samun ci gaba a dukkanin fannoni.
Har ila yau, jami’ar ta yi kira ga gwamnatoci a dukkanin matakai, da su aiwatar da shirin kasa na bunkasa harkokin yara, da baiwa ayyuka masu nasaba da hakan cikakken muhimmancin da ya dace. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
