Shugaba Buhari Ya Dawo Gida Nijeriya Bayan Duba Lafiyarsa A Landan

Shugaban kasa Muhammadu Buhari ya dawo Nijeriya, bayan ziyarar “duba lafiyarsa” a birnin Landan na kasar Birtaniya.

Babban mataimaki na musamman ga shugaban kasa Muhammadu Buhari kan harkokin yada labarai, Malam Garba Shehu ne ya bayyana hakan a wani sako da ya wallafa a shafinsa na Twitter a yammacin Lahadi.

• Gwamna Buni Ya Tallafawa Marayu 200 Da N50,000 Kowanne

Buhari ya bar kasar ne a ranar 31 ga watan Oktoba.

“Shugaba Muhammadu Buhari ya sauka a Abuja. Alhamdu Lillahi,” Shehu ya wallafa a shafinsa na Twitter.