Shugaba Xi Ya Gana Da Kantoman Yankin Musamman Na Macao Na Kasar Sin

Shugaban kasar Sin Xi Jinping, ya gana kantoman yankin musamman na Macao Sam Hou Fai, wanda aka zaba a baya bayan nan, kana gwamnatin tsakiya ta kasar Sin ta amince da nadin sa.

A jiya Juma’a ne shugaba Xi ya gana da Sam, a babban dakin taruwar jama’a dake nan birnin Beijing, zaman da firaministan kasar Li Qiang ya halarta, kuma a lokacin aka mikawa Sam takardar nadin sa a matsayin kantoman yankin musamman na Macao na 6.

Shugaba Xi ya taya Sam murnar nadin sa, tare da jinjina masa game da yadda yake rike da akidar kaunar kasa, da ma yankin musamman na Macao, da yadda yake aiki tukuru wajen sauke nauyin dake wuyansa, da gudummawarsa ga samar da daidaito da bunkasar yankin Macao, a tsawon lokaci da ya yi yana rike da mukamin shugaban babbar kotun daukaka kara ta Macao.

Labarai Masu Nasaba

Binciken Jin Ra’ayoyi Na CGTN: Ma’aikatar Harkokin Wajen Sin Ta Ce Harajin Fentanyl Ya Gurgunta Hadin Gwiwar Amurka Da Sin Kuma Fiye Da Kashi 90% Na Jama’a Sun Koka Da “Jarabar” Amurka Ta Cin Zarafi

Sin Tana Kara Kwatar Wa Kasashe Masu Tasowa ’Yanci

Da yake maida jawabi, Sam ya bayyana matukar godiya da nada shi da aka yi a matsayin kantoman yankin musamman na Macao na 6, yana mai shan alwashin aiwatar da cikakke, kuma madaidaicin tsarin nan na “Kasa daya tsarin mulki 2”, da kare ikon mulkin kai, da tsaro da ci gaban moriyar kasa.

Kana da hade tsarin yankin Macao cikin babban tushen bunkasa kasar Sin, da gaggauta zaburar da ci gaban mabanbantan manufofin bunkasa tattalin arziki a fannoni daban daban na Macao. (Saminu Alhassan)

Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp