Gamayyar kungiyar mata ta kasar Sin, za ta kaddamar da jerin wasu shirye-shirye a bana, da nufin karfafa gwiwar mata, ta yadda za su iya sauke nauyin dake wuyansu, ta fuskar ingiza nasarar ci gaba mai nagarta. A cewar kungiyar, za a kafa dandaloli na kasa da kasa da na cikin gida, wadanda za su zaburar da kirkire-kirkiren fasahohi, wanda hakan zai tallafi mata masu ayyyuka a fannin fasaha, wajen samun damar ingiza ci gaba a masana’antun kirkire-kirkire ta hanyar ci gaban fasahohi.
Har ila yau, kasar Sin za ta samar da tsare-tsaren cin gajiya daga gudummawar matan dake yankunan karkara, ciki har da karfafa gwiwar gina dandaloli sama da miliyan 10, a garuruwa daban daban dake sassan kasar, da renon mata jagorori a fannin samar da wadata.
Kaza lika, za a aiwatar da hadin gwiwa da sauran sassa, don kaddamar da gangamin yayata samar da guraben ayyuka, da fadada damammakin samar da ayyuka da sana’o’i ga mata. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
