Dakarun Rundunar Sojojin Nijeriya sun gano daya daga cikin ‘yan matan Chibok a Jihar Borno daga cikin matan da mayakan Boko Haram suka sace shekarun baya.
Idan za ku iya tunawa dai, mayakan Boko Haram sun sace ‘yan matan Chibok sun dari da saba’in (270) a watan Afrilun 2014 kodayake daga baya an samu nasarar dawowar sama da dari daya (100) daga cikinsu yayin da wasu kuma suka arci na kare.
Rundunar Sojin dai ta sanar da gano matar ne a shafinta na Tuwita, inda ta ce, dakarunta na hadin gwiwa ta 26 ne suka gano ta a lokacin da suke sintiri a kusa da garin Ngoshe a ranar Talata.
Sojojin dai sun ce sun ga Mrs Mary Ngoshe ne dauke da danta kamar yadda suka wallafa hotonsu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
