Allah Ya yi wa Surikar Sarkin Kano na 15, Aminu Ado Bayero, Hajiya Karima Lawal wadda aka fi sani da Yayar Gandu, rasuwa.
Marigayiyar ita ce mahaifiyar Hajiya Hadiza Aminu Ado Bayero, matar Sarki Aminu Ado Bayero.
Ta rasu a wani asibiti da ke Kano bayan gajeriyar rashin lafiya.
ADVERTISEMENT
Tuni al’umma daga ciki da wajen Kano suka shiga bayyana alhininsu kan rasuwarta.
An bayyana marigayiyar a matsayin mace mai mutunci wadda ta sadaukar da rayuwarta wajen kula da iyalinta da kuma yi wa al’umma hidima.
Ta rasu ta bar ‘ya’ya tara da jikoki da dama.
Majiyoyi sun ce za a yi jana’izarta a yau Talata da misalin ƙarfe 4 na yamma a Fadar Nassarawa da ke Kano.
