Shawarar da Bishop de las Casas ya bada an yi na’am,da ita kwarai da gaske,wato hanyoyin da za’a bi a rika samun Bayi,sai wasu mutane suka je su nemo masu Bayin,haka lamarin ya tafi kamar yadda aka yi tsammanin domin kuwa sun ga wasu matasan yankin Neja Delta wadanda a shirye suke su sayar masu da wasu kaya.
Bada dadewa ba sai wasu Turawan yammacin Turai suka fara shigar da kansu kan lamarin Amerikawa,ta haka ne, su ma suka fuskanci wadanda Turawan Fotugal suka fuskanta. Su ma sai suka dauki matakin da Turawan Fotugal suka dauka,wato, a samu wasu daga cikinsu,su je su samo wasu Bayin Afirka.Kuma ba da bata lokaci ba suna samu.
Maganar da ake cewa ‘yan Afirka suna cikin amintuwa su sayar da ‘yan’uwansu,a matsayin Bayi abin yana da muhimmanci saboda a wancan lokacin su Turawan mulkin mallaka ba su son zuwa zuwa wurin daruwa yake. Suna matukar tsoron cizon sauro, ada su kamau da zazzabin maleriya, shi yasa suke bukatar wadanda za su yi masu aiki akan hakan.
Irin wannan harka ta mutanenmu ta yin garkuwa da jama’a,maida su ba wani abu ba, daganan kuma a maida su Bayi, har yanzu dabi’ar tana tare da mu kamar dai yadda Chetta Nwanze ya bayyana.
- Shettima: Shekaru Biyu Na Mataimaki, Jagora Mai Hangen Nesa Da Kawo Sauyi Nagari
- Tarihin Masarautar Zazzau Da Sarakunanta (8)
Kamar yadda suke Shugabannin duniya ba wani abin mamaki bane yadda kasar Birtaniya ta mamaye lamarin cinikin Bayi domin har sai da abin ya kai ga cimma shekara 300.Abin yana iya ba wasu mamaki yadda har, akan kwashe shekaru bugu da kari ga shi lamari ne mai matukar wuya wanda har,da Bindiga an yi fataucin Bayi kamar yadda ake yin na Namun-daji, sannu a hankali sai abin ya koma na tattalin arziki?
Duk ana dora alhakin yadda lamarin cinikin Bayi ya bunkasa kan wani mutum dan asalin kasar Birtaniyya da ake kira da suna,John Hawkins. Hawkins shi ne mutumin da ya kara daukaka, bunkasa,da zamanan har da lamarin cinikin Bayi”manufa anan yayi gyare- gyare daga yadda Turawan kasar Fotugal suka fara da barinsa,ya yi masa kwaskwarima,zuwa lamarin kasuwanci mai daraja”.
Jiragen ruwa suna tasowa daga Kasar Birtaniya ko kuma Ingila da Bindigogi, Madubi,da kuma Giya,Jiragen na zuwa wani wurin da ake kira da suna inda ake daukar Bayi a kai su kasar ko kasashen da suka saye su, yanzu wurin ana kiransa da suna yankin Neja Delta inda daga can ne kuma za ‘a fara tafiya, har sai sun kai inda zasu sauka; ,daga can kuma sai ‘yan kasa tu tarbe su, inda zasu basu makamai da kuma abubuwan shaye- shaye, su kuma su basu Bayi.
