Tawagar Jiragen Rundunar Sojin Saman Kasar Sin Ta Tafi Masar Domin Halartar Wani Bikin Nune-Nune

Tawagar jirage 8 ta rundunar sojin saman kasar Sin (PLA), ta tashi jiya Litinin, daga wani filin jirgin sama dake arewa maso yammacin kasar Sin, inda ta nufi kasar Masar domin halartar bikin nune-nune fasahar sarrafa jirage, wanda zai gudana daga ranar 3 zuwa 5 ga watan Satumba.

Tawagar jiragen ta hada da jirgin Y-20, babban jirgi da aka kera a kasar Sin domin sufuri da kuma jiragen yaki na J-10 guda 7, daga tawagar jirage mai nuna fasahar sarrafa jirgin sama ta salo daban daban a sararin samaniya ta Bayi Aerobatic.

• Wang Yi Da Jake Sullivan Sun Gudanar Da Sabon Zagaye Na Muhimmin Tattaunawa Tsakanin Sin Da Amurka
• Masaniyar Kenya: Bukatun Afirka Ne Ke Inganta Babban Fasalin Hadin Gwiwar Afirka Da Sin

Kakakin rundunar sojin saman kasar Sin Xie Peng, ya ce wannan shi ne karon farko da tawagar ta Bayi Aerobatic za ta nuna fasahar a wata kasa dake nahiyar Afrika, haka kuma ita ce tafiya mafi nisa da jiragen suka yi zuwa wata kasa.

Yayin da suke can, jiragen za su yi shawagi a saman jerin Pyramid-Dalar Masar. Kuma wannan ne karo na farko da jirgin Y-20 ya tafi ketare. (Fa’iza Mustapha)