A halin yanzu shugaba Bola Tinubu na wata ganawar sirri da mataimakin shugaban kasa, Kashim Shettima da wasu gwamnoni a ofishinsa da ke fadar gwamnatin tarayya a ranar Alhamis.
An fara ganawar ne bayan da shugaban ya kammala tattaunawa da shugabannin kungiyar kwadagon, inda suka tattauna batutuwan da suka shafi sabon tsarin mafi karancin albashin ma’aikata.
- Noma: Gwamnan Zamfara Ya Nemo Masu Zuba Jari Daga Ƙasar Turkiyya
- Kotu Ta Tura Tsohon Ministan Wutar Lantarki Zuwa Gidan Yari
Gwamnonin da suka halarci taron sun hada da shugaban kungiyar gwamnonin Nijeriya (NGF), AbdulRahman AbdulRazaq na Jihar Kwara; Charles Soludo na Jihar Anambra da Usman Ododo na Jihar Kogi.
ADVERTISEMENT
Ya zuwa yanzu dai ba a san makasudin taron ba, amma yana zuwa ne sa’o’i kadan bayan da kotun kolin ta yanke hukunci kan bai wa kananan hukumomi ‘yancin cin gashin kai.
