Tinubu Ya Sake Nada Farfesa Sheshe Shugaban Asibitin Koyarwa Na Aminu Kano

Shugaban kasa Bola Ahmed Tinubu ya amince da sake nada Farfesa Abdurrahman Abba Sheshe a matsayin babban daraktan kula da lafiya na asibitin koyarwa na Aminu Kano, da ke Kano a wa’adi na biyu kuma na karshe.

Hakan na kunshe ne acikin wata sanarwa da mai magana da yawun shugaban kasa, Ajuri Ngelale ya fitar a aranar 21 ga watan Agusta, 2024.

• Kasar Sin: Shirin EU Na Kakaba Haraji Kan Motoci Masu Amfani Da Lantarki Na Kasar Sin Ya Sabawa Tarihi
• Tinubu Ya Kafa Kwamitin Tabbatar Da ‘Yancin Kananan Hukumomi A Nijeriya

An fara nada Farfesa Sheshe a matsayin babban daraktan kula da lafiya na asibitin koyarwa na Aminu Kano ne a ranar 6 ga Disamba, 2019.

Shugaban na fatan Farfesa Sheshe, zai sake sadaukar da kansa wajen inganta ka’idojin asibitin da tabbatar da samar da ingantattun kulawa ga ‘yan kasa.