Tsohon Shugaban Hukumar Binciken Sararin Samaniya Ta Kasa NARSDA, Ya Rasu

Tsohon Darakta-Janar na Hukumar Binciken Sararin Samaniya ta kasa NARSDA, Farfesa Seidu Muhammed Ogar Allah ya yi masa rasuwa a Abuja.

A cewar wata majiya daga iyalansa, tsohon shugaban NARSDA ya rasu ne a asibitin Nisa Premier da sanyin safiyar ranar Litinin.

• NIS Ta Cafke Dillalan Makamai A Iyakar Nijeriya Da Kamaru

“A cikin tsananin bakin ciki ne muke sanar da rasuwar Farfesa Seidu Mohammed Onailo, tsohon Darakta Janar na Hukumar Binciken Sararin Samaniya ta Kasa, NARSDA, ya rasu ne a ranar 8 ga Agusta, 2022, a asibitin Nisa Premier da ke Abuja,” Inji sanarwar daga iyalansa.

Daily trust ta ruwaito cewa, tsohon shugaban NARSDA ya fito ne daga karamar hukumar Omala ta jihar Kogi. Ya Rasu ya bar mata da ‘ya’ya da sauran ‘yan uwa.