Tun Da Nake Ban Taba Shan Kaye A Zabe Ba – Tinubu

Dan takarar shugaban kasa na jam’iyyar APC, Bola Ahmad Tinubu ya bayyana cewa a tarihinsa bai taba shan kaye a zabe ba.

Tinubu ya bayyana hakan ne a lokacin gangamin jam’iyyar APC wanda ya gudana a Jihar Ekiti kafin zaben gwamna a jihar, domin jawo hankalin magoya bayan jam’iyyar su zabi dan takarar gwamna, Biodun Oyebanji.

• 2023: Ikon Zabar Mataimaki Na Hannun Tinubu Ba Gwamnonin APC Ba —Uzodinma

Tinubu ya ce, “Ban taba faduwa zabe ba tun da nake a siyasata.” Cewarsa.

Ya dai bayyana hakan ne a cikin harshen Yarbanci tare da cewa idan mutum bai yi zabe ba, to ba zai taba samun kudade masu yawa ba.

Haka kuma ya siffanta PDP a matsayin jam’iyya mai bunkasa talauci, inda ya bukaci daukacin mutanen jihar su zabi APC a zaben gwamna da kuma na shugaban kasa a 2023.