Kocin kungiyar kwallon kafa ta Aston Villa da ke Ingila, Unai Emery ya sabunta yarjejeniyar zamansa a kungiyar har zuwa shekarar 2027.
Emery, ya karbi ragamar jagorancin kungiyar a watan Nuwamban 2022 lokacin da kungiyar ke matsayin na 17 a teburin Firimiyar Ingila.
- An Kori Sojoji 2 Daga Aiki Kan Aikata Sata A Kamfanin Dangote
- Tinubu Zai Kai Ziyarar Aiki Netherlands Da Saudiyya
Aston Villa ta yaba da yadda kocin mai shekaru 52 ya sauya kungiyar cikin kankanin lokacin, inda yanzu ta ke a matsayi na hudu a gasar.
Idan kungiyar ta karkare a matsayin da ta ke, hakan zai ba ta damar buga gasar zakarun Turai a kaka mai zuwa.
Unai Emery, ya horas da kungiyoyi irin su Sevilla, Villarreal, Arsenal, PSG da sauransu kafin zama kocin Aston Villa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp