Wakilin Jaridar Leadership Na Kano Ya Rasu

Abdullahi Yakubu Dorayi, fitaccen dan jarida kuma wakilin jaridar Leadership, tsohon ma’aikacin jaridar Triumph ya rasu.  

Labarin rasuwarsa ya karade gari a ranar Juma’a, 18 ga watan Agusta, 2023, wanda hakan ya bar jimami a kafafen yada labarai.

• Kalubalen Hada Kan ‘Ya’yan Jam’iyyar APC Da Ke Gaban Ganduje 
• Mahaifiyar Wizkid Ta Mutu

Abdullahi Yakubu Dorayi, wanda ya shahara da jajircewarsa ga aikin jarida da kuma alakarsa da kungiyar ‘yan jarida ta Nijeriya (NUJ), ya kasance mai matukar farin jini saboda gogewarsa da jajircewa wajen yada labarai.

Ya kasance wani jigo a aikin jarida wanda rike mukamai daban-daban, Dorayi.

Labarin rasuwar Abdullahi Yakubu Dorayi ya jefa alhini ga daukacin ‘yan jarida.

Abokan aikinsa sun koka game da rashinsa.

Mutane sun shiga mika ta’aziyyarsu ga iyalansa da ‘yan uwansa.