Daya daga cikin ‘yansandan da ke rakiyar jirgin kasan da ya taso daga Kaduna zuwa Abuja ya rasa ransa yayin da yake rakiyar jirgin a ranar Alhamis.
An ce, dansandan yana cikin koshin lafiya yayin da jirgin ya taso daga tashar jirgin da ke Rigasa.
- Za Mu Sa Kafar Wando Daya Da Masu Digirin Bogi A Nijeriya – Minista
- Hukumar Kashe Gobara Ta Ceto Mutane 12 Da Dukiyar Miliyan 130 A Kano
Wani ganau ya shaida cewa, marigayin ya koka da ciwon kirji kafin ya rasu.
Jirgin ya isa Kubwa a Abuja da misalin karfe 3:20 inda fasinjoji suka sauka.
Har zuwa lokacin da aka hada wannan rahoto, LEADERSHIP ta kasa jin ta bakin kakakin hukumar kula da jiragen kasa ta Nijeriya (NRC).
