Hukumar Kashe Gobara Ta Ceto Mutane 12 Da Dukiyar Miliyan 130 A Kano

Hukumar kashe gobara ta Jihar Kano, ta ce ta ceto mutane 12 da kadarori da kudinsu ya kai Naira miliyan 130 daga gobara 78 da suka faru a watan Maris a jihar.

Kakakin hukumar, Alhaji Saminu Abdullahi ne, ya bayyana hakan ga Kamfanin Dillancin Labaran Nijeriya (NAN), a ranar Laraba a Kano.

• Mata Ke Shugabantar Kashi 36 Na Bankunan Nijeriya
• Sin Na Adawa Da Matakin Amurka Na Fadada Yankunan Tudu Na Teku Da Take Iko Da Su

Abdullahi, ya kuma ce mutane 10 ne suka mutu, yayin da gobarar da ta lalata kadarorin Naira miliyan 71.

“Mun samu kiran agaji 27 da wayar karya 11 daga mazauna jihar a tsawon watan Maris,” in ji shi.

Ya shawarci jama’a da su kasance masu kula da abubuwan da suka shafi wuta.