Wani Magidanci Ya Yi Wa Jaririyar Makocinsa ‘Yar Wata 18 Fyade

Rundunar ‘yan sandan Jihar Bauchi sun cafke Alhaji Yusuf dan shekara 59 da laifin yi wa ‘yar makocinsa jaririyar wata 18 fyade a unguwar a unguwar Yekwan Kagadama dake jihar.

Rahotanni sun nuna cewa, mahaifiyar wacce aka yi wa aika-aikar Nenkat Danladi ta kai rahoto ga ‘yan sanda a ranar 9 ga wata Agusta 2022.

• Kotu Ta Wa Malamin Islamiyyan Da Ya Yi Wa ‘Yar Shekara 8 Fyade Daurin Rai Da Rai

A wata sanarwa da rundunar ‘yan sanda ta fitar a ranar 13 ga watan Agusta, mai magana da yawun rundunar SP Ahmeda Wakil Danladi, ya ruwaito cewa a ranar 6 ga watan Agusta ne aka ga wanda ya yi lalata da jaririyar a kan gadon babarta, bayan kamar minti 30 da haka kuma da aka lura sai aka ga jaririyar na zubar da jini ta gabanta, lamarin da ya tabbatar da an yi lalata da ita.

Daga nan ne aka garzaya da ita zuwa asibitin Koyarwa na Tafawa Balewa dake Bauchi domin duba lafiyarta.

Majiyar ‘yan sanda ta ce an gaggauta kama mai laifin.