Shugaban kasar Sin Xi Jinping, ya bugawa takwaransa na kasar Angola João Manuel Lourenço waya, domin jajanta masa game da bala’in ambaliyar ruwa da ya aukawa kasar.
Yayin da yake bayyana jimamin aukuwar lamarin a jiya Alhamis, Xi Jinping ya ce ya yi bakin ciki matuka da jin labarin cewa, birnin Luanda, fadar mulkin kasar, da sauran wasu wurare sun fuskanci ambaliyar ruwa, wanda hakan ya haifar da dumbin asara.
Ya ce a madadin gwamnati da jama’ar kasar Sin, yana jajantawa iyalan wadanda suka rasu sakamakon ibtila’in, da ma wadanda suke jikkata.
Har ila yau yana fatan kasar za ta magance kalubalen, tare da gaggauta farfadowa. (Amina Xu)
