Ran 28 ga wata, shugaban kasar Sin Xi Jinping ya taya Azali Assoumani murnar ci gaba da zama shugaban kasar Comoros ta wayar tarho.
Xi Jinping ya ce, kasashen biyu aminan juna dake da dankon zumunci. Cikin ‘yan shekarun nan, huldar kasashen biyu ta samu ci gaba cikin sauri, ta kuma samu babban sakamakon hadin gwiwa a fannoni daban-daban, kana kasashen biyu na marawa juna baya kan manyan muradun dake jawo hankalinsu. Sin na dora muhimmanci sosai kan bunkasuwar huldar kasashen biyu, tana mai fatan hadin kai da Comoros don ingiza ci gaban huldar kasashen biyu, ta yadda za a amfanawa jama’ar kasashen biyu. (Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp