Wani jami’in ‘yansanda da ke ofishin Iheagwa a jihar Imo ya shiga hannu, lokacin da ya yi yunkurin gudu daga kurkuku, bayan tsare shi da aka yi, sakamakon daba wa wata mata mai ciki wuka wanda ya yi sanadiyyar mutuwarta, a Umuejechi Nekede da ke karamar hukumar Owerri West.
Majiyarmu ta tabbatar mana da cewa, ba a iya gano shi ba sai daga baya aka gano cewa mazaunin Ohaji da ke karamar hukumar Egbema ta jihar Imo. Wani mazaunin yankin Iyke Opara, ya ce, matar ta fito daga Ama-Ato ne.
Rahotanni sun tabbatar da cewa,wanda ake zargin ya dade yana cin karensa babu babbaka a wannan yanki.
Haka kuma ya nuna yana cikin maye lokacin da ake bincikarsa, wanda kuma ya tabbatar da cewa shi ne, ya buga wa matar karfe a ka ta mutu bayan ya nemi kudi a hannunta bai samu ba.
Majiyar ta ci gaba da bayyana mana cewa, daba mata wukar a wuya ke da wuya ta fadi kasa warwas, kafin kai ta asibiti, rai ya yi halinsa.
Haka kuma, ya kara da cewa, wanda ake zargin ya yi yunkurin gudu, amma bai samu sa’a ba, saboda haka, aka kama shi.sab
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
