Assalamu alaikum masu karatu, barkan mu da sake haduwa da ku a wannan makon a cikin shirin namu mai farin jini da albarka na Girki Adon Mata.
A yau shafin namu zai koya muku yadda ake kosan filantan
- Kakakin Ma’aikatar Tsaron Sin Ya Yi Tir Da Sayar Da Makamai Da Amurka Ke Yi Wa Taiwan
- Abuja Za Ta Zama Wani Abu Daban Idan Gwamnatin Tinubu Ta Kare A 2027 – Wike
Ga dai Abubuwan da ake bukata:
Filantan, filawa, tattasai ko taruhu, albasa, magi, gishiri, kori.
Ga kuma Yadda zaku hada:
Da farko za ku samu filantan wadda ta nuna sosai kuma ta fara rubewa, sai ki cire mata bawo ki dan yayyanka ta ki zuba a bilanda, sannan ki zuba tattasai ko taruhu wanda daman kin gyara shi sai ki nika su tare, nikan ya yi laushi sosai sai ki zuba shi a roba ki dan sa masa fulawa ki daure shi, sannan ki zuba magi da dan gishiri da kori ki juya su gaba daya, ki tabbatar da kaurinsa ya yi kamar kaurin kullin kosan wake, idan bai yi ba sai ki dan kara masa filawa har sai ya yi kauri kamar na wake saboda kar ya sha miki mai sosai, sai ki dora mai a wuta ki fara soya shi kamar yadda ake na wake.
A ci dadi lafiya.
