Akalla mutum hudu aka kashe daga cikin ‘yan sandan tsohon gwamnan Jihar Imo, Ikedi Ohakim a ranar Litinin lokacin da ‘yan bindiga suka suka yi wa motarsa kwanton bauna.
Mummunan lamarin ya faru ne a Oriagu da ke karamar hukumar Ehime Mbano, a daren ranar Litinin, inda aka yi wa ayarin motocin Ohakim kwanton bauna.
- ‘Yansanda Sun Kubutar Da Sakataren Ma’aikatar Aiyuka Na Jihar Filato Daga Hannun Masu Garkuwa
- Kasurgumin Dan Bindiga Ya Tsallake Rijiya Da Baya Yayin Luguden Wutar Jiragen Yakin Sojin Sama A Zamfara
Ohakim, wanda ya tsira, an kai wa motar bayansa harin, inda aka kashe jami’an ‘yan sanda hudu da ke cikin ayarinsa.
Yana dawowa ne bayan ziyarar da ya kai tare da ‘ya’yansa guda biyu, kamar yadda majiyarmu ta samu.
A cewar wata majiya ta kusa da tsohon gwamnan, saurin da direban ya yi, ya bai wa tsohon gwamnan damar tserewa.
Majiyar ta yi ikirarin cewa tsohon gwamnan aka shirya kai wa harin, amma direbansa ya yi kokari wajen kubutar da su.
Sakamakon gaza cimma hakarsu, hakan ya sa maharan suka kone motar da ke biye masa baya.
Leadership Hausa ta samu labarin cewa wasu jami’an tsaro sun yi masa rakiya zuwa gidansa daga Owerri, babban birnin jihar.
