Wasu ‘yan bindiga sun yi garkuwa da basaraken kauyen Riruwai da ke gundumar Lame a karamar hukumar Toro a jihar Bauchi, Alhaji Garba Badamasi, tare da yi masa kisan gilla.
Wasu rahotanni sun bayyana cewa ‘yan bindigar a ranar 15 ga Maris, 2024, sun kai hari fadar Alhaji Badamasi, inda suka yi ta harbe-harbe a garin kafin su yi awon-gaba da shi.
- ‘Yansanda Sun Hallaka Ɗan Garkuwa Da Mutane, Sun Ceto Mutun 6 A Bauchi
- An Yi Nasarar Ceto Mutum 30 Da Aka Sace Su A Jihar Bauchi
LEADERSHIP ta rawaito cewa maharan ba su tuntubi ko mutum guda daga cikin iyalan Basaraken, marigayi Badamasi don neman kudin fansa ba.
An gano gawar Alhaji Badamasi a kusa da kauyen a yayin da mazauna garin ke laluben neman sarkin nasu, sai suka yi karo da gawarsa a cikin daji bayan kwashe kwana guda a tsare a hannun ‘Yan bindigar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
