Rundunar ‘yansandan jihar Kano ta cafke wasu mutane biyu da ake zargi da satar Keke-napep guda biyu a Unguwan Maigero da ke karamar hukumar Chikun a jihar Kaduna.
A cewar kakakin rundunar ‘yansandan jihar Kaduna, ASP Mansir Hassan, an kama wadanda ake zargin ne tare da hadin gwiwar jami’an ‘yansanda reshen Dala da ke Kano.
- AFCON 2023: Tauraron Super Eagles Na Fama Da Guba Gabanin Wasa Da Cote d’Ivoire
- Hukumar Kashe Gobara Ta Jihar Bauchi Ta Ceto Rayuka Fiye Da 310 A 2023
Hassan ya bayyana wa kamfanin dillancin labarai na Nijeriya, NAN a ranar Alhamis a Kaduna cewa, wadanda ake zargin, Shuaibu Ahmed da Abubakar Haruna, an kama su ne a ranar 16 ga watan Janairu tare da Keke-napep din da aka sace.
ADVERTISEMENT
“An dawo da wadanda ake zargin Kaduna domin gudanar da bincike, kuma za a gurfanar da su a gaban kotu da zarar an kammala bincike.” inji ASP Hassan
