‘Yansanda Sun kama Wani Babban Dan Damfara A Legas

Rundunar ‘yansandan jihar Legas ta samu nasarar kama wani dandamfara,mai kimanin shekara 34. mai suna Emmanuel Rowland.

‘Yansandan da ke Ipakodo ne suka samu nasarar kama shi Mai magana da yawun rundunar ‘yansandan jihar, SP Benjamin Hundeyin ne ya bayyana cewa,yanzu haka ‘yansanda na ci gaba da binciken Rowland yayin da yake tsare a hannunsu, an kama dandamfarar ne, bayan samun wasu bayanan sirri da suka yi a kansa, na yadda yake yi wa jama’a damfara.

• An Bude Bikin Fina-finai Na Kasa Da Kasa Karo Na 12 Na Birnin Beijing
• Mata A Daina Yawace-yawace Da Shige-shige Mara Amfani -Halima Kassim

An kama wanda ake zargin tare da wasu mutane wadanda suke hada kai wajen aikata laifi a motarsu, kirar Bolkswagen, mai lamba JJJ 27 DG, wadanda ke fita a matsayin direba da fasinjoji.

Suna daukar fasinja, da sun fara nisa, sai su tsaya da fara, maganar cewa, sun bar kudi a but din motarsu.

Rwoland ya tabbatar da cewa, ya fara wannan laifin ne a shekara ta 2022 kuma kafin kama shi, wannan ne karo na shida da yake aikata irin wannan laifin.

Jami’in hulda da jama’ar ya kara da cewa an kama damfarar da wadanda ake zarginsu da hada kai wajen aikata wannan laifi.

Saboda haka sai Kwamishinan ‘yansanda, Abiodun Alabi ya umarci a ci gaba da bincike kafin a gurfanar da masu laifin gaban alkali.