Dan majalisa mai wakiltar karamar hukumar Yagba ta Gabas a majalisar dokokin jihar Kogi, Hon. Jimoh Musa Omiata, ya rasu.
Omiata wanda ya fito daga al’ummar Igbagun a karamar hukumar Yagba ta Gabas ta jihar, ya kasance dan majalisar dokokin jihar har sau biyu, kuma shi ne mutum na farko da ya sake lashe zaben dan majalisar daga mazabar jihar.
Wata majiya mai tushe wacce ta tabbatar wa LEADERSHIP rasuwar tasa, ta ce dan majalisar ya rasu ne a Legas a lokacin da yake jinyar wata rashin lafiya wacce ya jima yana fama da ita.
Musa Omiata ya kasance shugaban kwamitin yada labarai da tsare-tsare na majalisar har zuwa rasuwarsa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
