A wani mummunan lamari da ya faru a ranar Juma’a, 26 ga Afrilu, 2024, wasu magina da ba a tantance adadinsu ba sun makale a lokacin da wani gini ya rufta a unguwar Kuntau da ke karamar hukumar Gwale a jihar Kano.
Rahotannin farko na cewa, akalla mutane 11 ne suka makale a karkashin baraguzan ginin da ake kan ginawa. Jami’an bayar da agajin gaggawa na hukumar kiyaye haddura ta kasa (FRSC) da hukumar kashe gobara ta jihar na aikin ceto wadanda suka makale.
- Ministan Yaɗa Labarai Ya Kafa Kwamitin Kare Haƙƙoƙin Naƙasassu
- Girman Darajar Manzon Allah (SAW) Da Allah Ya Yi Rantsuwa Da Ita (6)
An samu nasarar ceto mutane biyu kuma an garzaya da su asibiti domin kula da lafiyarsu.
Har yanzu dai ba a san musabbabin rugujewar ginin ba ya zuwa lokacin rubuta wannan rahoton.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp