Hukumar Ƴansandan jihar Kano ta yi kashedi ga matasa kan lalata kayayyaki da fastocin na yaƙin neman zaɓen shugaban ƙasa na 2027, inda ta ce duk wanda aka kama zai fuskanci hukunci.
Mataimakin kakakin hukumar, Hussaini Abdullahi, ya bayyana hakan ne bayan wani faifan bidiyo da ya basu a shafin sada zumunta yadda wasu matasa ke lalata Fastocin yaƙin neman zaɓe na Shugaba Bola Tinubu.
“Wannan aikin ba kawai rashin mutunci ba ne, har ma laifi ne kuma yana haifar da barazana ga tsaro wanda ba za a lamunta ba,” in ji Abdullahi.
Hukumar ta bayyana cewa ta fara bincike don gano waɗanda ke aikata wannan aiki, tare da kashedin cewa duk wanda aka gano da laifi za a gabatar da shi gaban shari’a.
Kwamishinan Ƴansandan jihar, CP Ibrahim Adamu Bakori, ya kuma yi kira ga jama’a da su riƙa bin doka da kuma nisantar da duk wani aiki da zai haifar da tarzoma a jihar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
