Ya Kashe Kaninsa Garin Gwajin Maganin Bindiga A Kwara

Wani yaro mai kimanin shekara12 mai suna Yusuf Abubakar, ya mutu a garin Kaiama, da ke yankin Kwara ta Arewa.

Dan’uwan yaron mai suna Abubakar Abubakar, ne ya bindige shi, lokacin da yake gwada maganin bindiga a kansa a Dutse Gogo, kusa da Kaiama, a karamar hukumar Kaiama da ke jihar.

• Mutum 30 Sun Nutse A Ruwa Yayin Tsere Wa Harin ‘Yan Bindiga A Zamfara
• Adron Homes Na Taya Nijeriya Murnar Cika Shekaru 62 Da Samun ‘Yancin Kai

Nan take YusufAbubakar ya mutu lokacin da yake kokarin gwada karfin bindigar.

A Sanarwar da mai magana dayawun rundunar ‘yansanda ta jihar Kwara SP Okasanmi Ajayi, ya bayar, a Ilorin, ya ce, ranar2/10/2022, sun samu rahoton a ofishin ‘yansanda da ke Kaiama cewa wani mutum ya yi bayani kan kashe Yusuf Abubakar mai shekara 12 da yayansa mai suna Abubakar Abubakar dukkansu‘ya’yan, Abubakar Abubakar shi kuma maharbi ne a garin Dutse Gogo da ke kusa da Kaiama, lokacin da yake gwajin maganin bindiga,

Kamar yadda ya ce, “Wannan abin ya faru ne bayan da aka ba shi maganin bindiga, sai ya dauko bindigar mahaifinsu zai gwada a kan kanensa, ya dana bindiga, ya yi kokarin ya harba da niyyar gwaji, sai ji kake durum, maganiya karya, nan take Yusuf Abubakar ya mutu.

“Ganin abin da ya faru, nan da nan sai wanda ya yi kisan ya ranta a na kare, ya shiga ciki ndaji bayan da abin ya faru.”

Okasanmi ya ce, tuni har bincike ya yi nisa kan yadda wannan lamari ya faru daga ofishin kwamishinan ‘yansandana jihar Kwara Paul Odama.

Saboada haka sai ya shawarci iyaye da su dinga lura da halin da ‘ya’yansu ke ciki, domin kare su daga fada wa cikin wani mummunan hali.