Rundunar ‘yansandan Nijeriya ta gurfanar da wani lauya da ke Abuja, Victor Giwa, a gaban wata babbar kotun Birnin Tarayya da ke zamanta a Apo, Abuja, bisa zargin yin sojan gona.
Wanda ake tuhumar a cikin tuhume-tuhume uku mai lamba CR/150/25, da Sufeto Janar na ‘yansanda ya shigar, ana zarginsu da hada baki wajen yin jabun takardar doka da aka ce majalisar Cif Awa Kalu (SAN) ta bayar, da nufin yaudarar Babban Lauyan Tarayya.
- An Yi Bikin Rattaba Hannu Kan Yarjejeniyar Kafa Hukumar Shiga Tsakani Ta Kasa Da Kasa A Hong Kong Na Kasar Sin
- Tsaro Ya Inganta A Zamfara, In Ji Gwamna Lawal Yayin Tattakin Zaman Lafiya Na Tarihi A Jihar
A cewar tuhumar, laifin da ake zargin ya faru ne a ranar 28 ga watan Yuni, 2024.
Mai gabatar da kara ya yi ikirarin cewa Giwa da Bukola sun yi bogi tare da sanya hannu a kan takarda a hukumance na Awa U. Kalu (SAN), inda suka bukaci AGF da ta dakatar da gabatar da karar.
Wasikar da ke cike da cece-ku-ce mai taken “Gaggawa da Kiran gaggawa na dakatar da gurfanar da abokin aikinmu Victor Giwa bisa tuhuma mai Lamba: CR/222/2023”, an aika zuwa ga AGF. An yi zargin cewa ya samo asali ne daga zauren SAN kuma ya nemi shiga tsakani don dakatar da karar da aka shirya a gaban Hon. Mai shari’a Bature na babbar kotun Maitama, Abuja, ranar 2 ga Yuli, 2024.
Wadanda ake zaton mawallafin wasikar sun yi jayayya cewa ya kamata a janye tuhumar da ake yi wa Giwa saboda “adalci, daidaito, da aiki mai kyau.”
Giwa, tare da mai kula da kadarorin Cecil Osakwe da sauran su, za a gurfanar da su a gaban kuliya bisa tuhume-tuhume guda tara da suka hada da fitar da mutane ba bisa ka’ida ba, cin zarafi, barazana ga rayuwa, da barnar dukiya da suka kai Naira miliyan 300.
Laifukan da ake tuhumar Giwa da Bukola sun hada da hada baki wajen aikata jabun takardu da aikata laifuka (wanda za a hukunta shi a karkashin sashe na 97 na dokar Penal Code Act, 2004), da rashin gaskiya da aiwatar da takardar damfara (Sashe na 364), da kuma yin karya ga wani lauya (Sashe na 179).
Shari’ar da ta kunshi zarge-zargen da ake yi wa sana’a, Rabi’u U. Usman Esk., na sashin shari’a/masu gabatar da kara da ke karkashin ikon babban sufeton ‘yansanda ne ke gurfanar da shi.
A zaman da aka shirya yi a ranar litinin, karar ta zo gaban mai shari’a Jude Onwuegbuzie na babbar kotun Babban Birnin Tarayya Abuja a Apo. Sai dai kuma an dakatar da shari’ar saboda rashin halartar dukkan wadanda ake tuhuma.
Lauyan masu gabatar da kara J.K. Kolawole ya bayyana a madadin Sufeto Janar na ‘yansanda, yayin da U.J. Udo ya wakilci wadanda ake tuhuma.
Da yake jawabi a kotun, Udo ya sanar da mai shari’a Onwuegbuzie cewa wanda ake kara na farko, Victor Giwa, ba ya nan ya tafi kauyensu domin yi masa jana’izar ‘yar uwarsa. Don haka ya bukaci a dage zaman.
Mai shari’a Onwuegbuzie ya amince da bukatar sannan ya dage sauraron karar zuwa ranar 15 ga watan Satumba 2025 domin gurfanar da shi a gaban kuliya. Alkalin, ya yi gargadin cewa ba za a sake yin wani uzuri a zama na gaba ba.
