Shugaban jam’iyyar APC na jihar Kano, Abdullahi Abbas, a ranar Laraba ya ce jam’iyyar su za ta yi nasara a zaben gwamnan ko da lalama ko da tsiya.
Abbas ya yi wannan jawabi ne a ranar Laraba a wajen kaddamar da yakin neman zaben jam’iyyar a Gaya kamar yadda jaridar Punch ta rahoto.
Ya ce, “Mutane na cewa in daina cewa APC za ta lashe zaben jihar Kano ‘ko da lalama ko da tsiya’. Ina so in shaida wa wannan taron cewa APC za ta lashe zaben jihar Kano ‘ko da lalama ko da tsiya’. A yau mun nuna kudurinmu na cin zabe tun daga sama har kasa a shekarar 2023.
“Gaya, kamar yadda ku ka sani gidan APC ce; babu wata jam’iyyar siyasa da za ta yi daidai da karfinmu. Mun kuduri aniyar tunkarar kowane irin kalubale ta yadda yazo mana don ci gaba da mulkin mu. Gawuna shi ne dan takararmu kuma shi ne zai zama gwamnan jihar Kano.”
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
