NDLEA Ta Yi Nasarar Cafke Wani Shugaban Masu Safarar Kwaya Da Take Nema Ruwa A Jallo

Hukumar yaki da sha da fataucin miyagun kwayoyi ta kasa NDLEA, ta cafke wani da take nema ruwa a jallo, Wasiu Sanni Gbolahan, wanda aka fi sani da (Teacher).

• NDLEA Ta Lalata Katuwar Gonar Wiwi A Ekiti

Gbolahan mai shekaru 64, dillalin gidaje ne, yana da ‘ya’ya bakwai da mata hudu, wanda daya daga cikinsu ta rasu.

Hukumar ta NDLEA ta kuma kama wani dattijo mai shekaru 56 mai suna Lawal Lateef Oyenuga, wanda ke shirin kai gram 400 na hodar iblis da aka boye a cikin takalmin sandals zuwa Jeddah ta kasar Saudiyya.

Kakakin hukumar ta NDLEA, Femi Babafemi, ya ce jami’an NDLEA da ke kula da wurin tantance kayayyaki a filin jirgin sama na Murtala Muhammed dake Legas, a ranar Alhamis, 24 ga watan Nuwamba, sun kama Oyenuga da wani bakin takalmin sandals acikin kayanshi zuwa Jeddah ta kasar Saudiyya a jirgin Adis Ababa na Ethiopian Airways.