Shugaban kasa Muhammadu Buhari ya bayar da umarnin kara yin kokari domin kubutar da fasinjojin Jirgin kasan Abuja zuwa kaduna tare da mayar da su zuwa gidajensu a raye.
Umarnin na kunshe ne a cikin sanarwar da babban mai taimaka masa na musamman a fannin yada labarai Malam Garba Shehu ya fitar.
In za a iya tunawa an sace fasinjojin ne a ranar 28 ga watan Maris na 2022.
Garba da yake yin karin haske kan lamarin a sanarwar da ya fitar a ranar Talata ya ce Gwamnatin na ci gaba da yin nazari kan lamarin domin ganin an kubutar da sauran fasinjojin 51 da har yanzu ‘yan Bindigar suke tsare da su.
Ya ce umarnin na Shugaban kasa shi ne a kubutar da fasinjojin domin a mayar da su gidajensu a raye.
A cewarsa Shugaban kasa Muhammadu Buhari ya ji dadi kan sako wasu daga cikin fasinjojin inda ya bai wa iyalan sauran wadanda ake ci gaba da rikonsu tabbacin cewa Gwamnatin za ta yi dukkan mai yuwuwa domin ganin an kubutar da su nan bada jima wa ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
