Real Madrid ta bayyana cewar babban Dan wasan gabanta Karim Benzema zai bar kungiyar a Karshen kakar Wasa ta bana Bayan kwashe shekaru 14 a kungiyar ta Santiago Bernabeau, Benzema wanda yazo daga Lyon a Shekarar 2009 ana hasashen zai koma kungiyar Al Ittihad ta kasar Saudi Arabia.
Real Madrid ta wallafa a shafukanta na sada zumunta cewar lokacin barin Karim Benzema kungiyar yayi bayan lashe kofuna da dama ciki har da Uefa Champions League 5,Laliga 4 da sauransu.
- Real Madrid Ta Lashe Kofin ‘Club World Cup’ Karo Na 5
- Man City Ta Lallasa Real Madrid A Gasar Cin Kofin Zakarun Turai
Benzema Mai shekaru 35 ya zura kwallaye 353 inda ya zama Dan Wasa na biyu bayan Cristiano Ronaldo a jadawalin Yan wasan da Suka ci ma Real Madrid kwallaye da yawa ya Kuma taimaka an jefa 138 a kaka 14 da ya kwashe Yana taka leda a Sifen.
Ana Sa Ran Dan kasar Faransar zai koma kungiyar Al Ittihad ta kasar Saudi Arabia a kokarin da Suke na daukar manyan Yan wasan dake buga Wasa a turai domin bunkasa gasar kwallon kafar kasar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
