Man City Ta Lallasa Real Madrid A Gasar Cin Kofin Zakarun Turai

Manchester City ta kai wasan karshe na gasar cin kofin zakarun Turai bayan da ta doke Real Madrid da ci 4-0 a daren Laraba.

An dai buga wasan ne a filin wasa na Etihad, inda aka tashi wasan farko na wasan kusa da na karshe da ci 1-1 a babban birnin Spaniya kwanaki takwas da suka gabata.

• Binciken EFCC: Ya Dace A Haɗa Da Ministocin Buhari Ba Gwamanoni Ba Kadai – Matawalle

A mintuna 45 din farko, dan wasan Man City, Bernardo Silva ya zura wa Madrid kwallaye biyu a raga.

Daga can City bata waiwaya ba a zagaye na biyu, ta ci gaba da tasa keyar Real Madrid har sai da mai tsaron gidanta, Militao ya ci gida daga bisani kuma a mintunan karshe Julian Alvarez ya sake zura kwallo ta hudu.

Ana fatan City za ta lashe kofin Premier da gasar zakarun Turai da kofin FA – kamar yadda Manchester United ta yi a 1999.

City za ta kara da Inter Milan a wasan karshe da za a yi a Istanbul a ranar 10 ga watan Yuni bayan da kungiyar ta Italiya ta lallasa AC Milan a gida da ci 2-0 a wasan farko sannan ta sake lallasata da ci 0:1 a wasan kusa da na karshe.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi