Biyo bayan dakatar da aikin jigilar matafiya a jirgin kasa da hukumar jiragen kasa ta Nijeriya ta yi a kwanan baya, hukumar ta sake dawo da jigilar matafiya daga Abuja zuwa Kaduna.
A ranar Lahadi aka dawo da jigilar fasinjojin Jirgin daga tasharsa da ke a Idu a Abuja, ya tashi da misalin karfe 9.45 na safiyar ranar Lahadi, haka kuma wani Jirgin ya taso zuwa tasharsa ta Rigasa da ke a Kaduna da misalin karfe 1.30 na ranar Lahadi.
- Bukatar Magance Yawaitar Hatsarin Jirgin Kasa A Nijeriya
- Sama Da 280 Ne Suka Mutu, 1000 Suka Jikkata A Hatsarin Jirgin Kasa A Indiya
Wata sanarwa da Leadership ta samu ta nuna yadda Jirgin ya taso daga Kaduna zuwa tasharsa ta idu da ke Abuja da misalin karfe 3.00.
A cewar sanarwar daga ranar Litinin 5 ga watan Yunin 2023 Jirgin ya tashi zuwa tashar Rigasa da misalin karfe 8.00 na safe, inda kuma wani Jirgin ya tashi daga Idu, da misalin karfe 9.45 na safe.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
