Abba Gida-Gida Ya Nada Sunusi Oscar A Matsayin Mataimakinsa Akan Masana’antar Kannywood. 

Gwamnan jihar Kano Alhaji Abba Kabir Yusuf ya nada Sunusi Hafiz, wanda aka fi sani da Sunusi Oscar 442 a matsayin mataimakinsa a kan masana’antar shirya fina-finai ta Kannywood. 

Oscar, mai shekara 46 a duniya ya shafe shekara sama da 30 a masana’antar Kannywood inda kuma ya shirya fina finai da dama.

• Samun Amincewar Iyaye Kafin Shigowa Kannywood Na Da Muhimmanci -Mudassir Isyaku

Kwararre ne wajen shirya fina finai da bayar da umarni sannan ya dade yana fafutukar ganin an kawo gyara a masana’antar.

Shi ne ya shirya shahararun fina finan nan na Ummulkhairi da Dawud da kuma Yanayi da suka dade ana maganar su a kasar hausa.