Gwamna Abba Yusuf na jihar Kano ya bayar da umarnin dakatar da Manajan Daraktan Kamfanin samar da takin zamani na Kano (KASCO) Dakta Tukur Minjibir daga aiki ba tare da bata lokaci ba.
Hakan na kunshe cikin wata sanarwa da sakataren yada labaransa Malam Bature Dawakin-Tofa ya fitar a Kano ranar Laraba.
- Da Dumi-dumi: Kotun Daukaka Kara Ta Kori Karar Da Abba Gida-gida Ya Shigar A Gabanta
- Asibitin Yara Na Hasiya Bayero Zai Dawo Aiki – Abba Gida-Gida
Yusuf ya bayar da umarnin dakatarwar ne a wata wasika mai dauke da kwanan watan 12 ga watan Satumba, wanda sakataren gwamnatin jihar Dr Baffa Bichi ya mika.
An dakatar da manajan daraktan ne kan zarginsa da hannu wajen sayar da hatsi na gwamnatin jihar ta ta hanyar da bata dace ba.
An umurci Minjibir da ya mika al’amuran kamfanin ga babban jami’i nan kamfanin take, har sai an kammala bincike.
