Wasu Rahotanni sun bayyana cewa an rasa wani Jariri dan kwana daya da haihuwa a duniya a Asibitin Waziri Gidado dake Jihar Kano.
An wallafa wannan labarin a shafin sada zumunta na Arewa Rediyo da ke Kano, inda suka bayyana cewa bayan mahaifiyar yaron ta haihu a gida a ranar sai ta kamu da rashin lafiya, inda aka garzaya da ita asibitin domin kula da lafiyarta.
- Gwamatin Tarayya Ta Fito Da Tsarin Cin Gajiyar Ma’adanan da Ke Jihar Nasarawa
- Sabon Shirin Talabijin Ya Fara Gano Wasu Hanyoyin Kasuwanci A Nijeriya
Da misalin karfe 8 na dare tana cikin halin rashin lafiya wata mata ta dinga hilatar kakar yaron har ta tafi da jaririn nasu wanda kawo yanzu babu labarinsa.
Mahaifin yaron mai suna Aliyu ya ce, ya tafi Sallah ya bar mahifiyar yaron da kakar yaron a asibiti sai dawo wa ya yi ake gaya masa yaron ya bata.
