Jami’an hukumar tsaro ta farin kaya ta NSCDC reshen jihar Kano sun kama wasu mutane 11 da ake zargin barayin waya ne da dillancin kwayoyi a jihar.
Kakakin rundunar hukumar a jihar, Ibrahim Abdullahi, ya shaida wa manema labarai cewa, an kama wadanda ake zargin ne a lokacin sintiri na tsakar dare da jami’an tsaro na hadin gwiwa ke yi a jihar don yaki da masu kwacen waya da ta’ammuli da miyagu kwayoyi.
- Mutane 17 Sun Shiga Hannu Kan Hada-hadar Canjin Kudi Ba Bisa Ka’ida Ba A Kano
- Gobara Ta Kone Wani Sashe Na Gidan Tsohon Gwamna Shekarau A Kano
Abdullahi ya ce, an kama wadanda ake zargin ne a Sabon Gari, Fagge, Kantin Kwari da Kofar Mata dauke da muggan makamai da wasu miyagun kwayoyi.
A cewarsa, ana kyautata zaton wadanda aka cafken, su ne ake zargi da addabar mazauna yankunan ta hanyar kwacen wayoyi daga mutanen da ba su ji ba ba su gani ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
