Dakarun Sojin Nijeriya tare da hadi6n gwiwar jami’an tsaron farin kaya (DSS), sun ƙwato tarin makamai a Kauran Namoda da ke Jihar Zamfara.
Sun kai samamen ne a ranar 27 ga watan Janairu, 2025, bayan samun bayanan sirri cewa ana safarar makamai daga Jamhuriyar Nijar zuwa Nijeriya.
- Gwamnan Bauchi Ya Rantsar Da Mashawarta 11, Ya Horesu Da Aiki Tuƙuru
- CMG Ya Yi Nunin Fitilu A Jikin Manyan Gine-Ginen Afirka Ta Kudu Da UAE
A cewar kakakin rundunar, Laftanar-Kanal Abubakar Abdullahi, sojojin sun tare motar da ake safarar makaman a kan hanyar Namoda zuwa Zurmi.
Bayan musayar wuta, waɗanda ake zargi sun tsere zuwa cikin daji, inda suka bar motarsu.
Bayan bincike, an gano bindigogi ƙirar AK-47 guda tara da harsasai da dama a cikin motar.
A ɗaya bangaren, sojoji sun tabbatar da cewa suna ci gaba da neman Bello Turji, wanda ke jagorantar hare-haren ‘yan bindiga a yankin.
Turji ya tsere daga maɓoyarsa, amma jami’an tsaro sun ce ba za su daina nemansa ba har sai an kama shi.
Sojojin sun tabbatar da cewa suna ƙoƙarin tabbatar da zaman lafiya a yankunan da ‘yan bindiga suka addaba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
