‘Yan Kasuwa Na Kalubalantar Rage Faranshin Man Dangote

Duk da rage farashin man da matatar man Dangote ta yi a ranar Litinin din da ta gabata, ‘yan kasuwar da dama sun ki daidaita farashin man fetur, inda suka ce yin hakan zai jawo musu asara.

‘Yan kasuwar da suka zanta da jaridar PUNCH a ranar Talata sun bayyana cewa rage farashin nasu ba zai yiwu ba sai dai idan sun sayar da kayan da aka saya akan farashin Naira 900 kan kowace lita.

• Sin Da Ghana Za Su Karfafa Hadin Gwiwarsu
• Lardin Hainan Na Kasar Sin Ya Samu Karuwar Cinikayyar Hajoji Da Aka Daukewa Haraji Cikin Shekaru Biyar

Jaridar PUNCH ta ruwaito da yammacin ranar Litinin cewa matatar man Dangote ta rage farashin man fetur daga Naira 880 zuwa Naira 840 kan kowacce lita. Kakakin Rukunin Dangote, Anthony Chiejina ya tabbatar wa wakilinmu haka.

Chiejina ya bayyana cewa rage farashin ya fara aiki ne a ranar 30 ga watan Yuni.

Jaridar PUNCH ta tunatar da cewa matatar man Dangote ta kara farashin man fetur zuwa Naira 880 a daidai lokacin da rikici ya barke tsakanin Isra’ila da Iran na tsawon kwanaki 12, lamarin da ya kai farashin danyen mai zuwa kusan Dala 80 kan kowacce ganga.

‘Yan kasuwa sun yi hasashen cewa za a yi sabon tsarin farashin daga ranar Lahadi. Tun a ranar Talatar da ta gabata, wakilinmu ya lura cewa sauran masu gidajen man da masu shigo da kaya sun daidaita farashinsu domin nuna sabon tsarin farashin da ya biyo bayan tsagaita wuta tsakanin Isra’ila da Iran.

Daga Naira 920, akasarin gidajen sun rage farashin zuwa matsakaicin farashin Naira 845 akan kowace lita. A cewar Petroleumprice.ng, RainOil, Pinnacle, Matrid, Emadeb, Wosbab da First Royal suna sayar da man fetur a kan Naira 845 a Legas ranar Talata.

Hakazalika, NIPCO, Aipec sun sayar da mai akan Naira 850 akan kowace lita. A sauran defot da ke wajen Legas, irin su Warri da Fatakwal, ana sayar da man ne akan matsakaicin farashin Naira 860.

Yayin da matatar mai ta Dangote ta cire Naira 40 daga farashinta, ‘yan Nijeriya sun yi tsammanin za a yi irin wannan ragin ta gidajen mai amma binciken da wakilinmu ya yi ya nuna jiya cewa farashin bai canja ba.

Kamfanonin sayar da kayayyaki mallakin Kamfanin Mai na Nigerian National Petroleum Company Limited su ma har yanzu ba su canza farashin su ba har zuwa lokacin hada wannan rahoto. Tashoshin NNPC sun sayar da mai kan Naira 915 a Legas da kuma Naira 925 a Jihar Ogun.

Masana sun lura cewa farashin ya kamata ya ragu zuwa Naira 890 ko kasa da haka tare da farashin gantry na Dangote Naira 840. Sai dai kuma shugaban kungiyar masu sayar da man fetur na kasa ta kasa, Billy Gillis-Harry, ya ce har yanzu farashin bai sauko ba saboda ‘yan kasuwa na kokawa da tsohon farashi.

Lokacin da aka shaida cewa farashin gidajen man ba ya sauka duk da faduwar farashin tsohon defot, Gillis-Harry ya amsa da cewa, “Ta yaya zai sauko? Ta yaya farashin zai sauka a fanfo? Idan a matsayinka na dan kasuwar Nijeriya ka sayi man fetur a kan Naira 920 kuma farashin ya sauka zuwa Naira 840, me za ka yi da sauyin? Ka ninka Naira 80 da 45, to ka ninka Naira 80 da 45? A’a, hakan ba zai yiwu ba,”

Shugaban PETROAN ya bayyana cewa mai yiyuwa ba za a rage farashin nan da nan ba har sai man da ake da shi a gidajen mai ya kare.

“Muna bukatar mu gama da hannun jarin da muka sanya, duk hannun jarin da ake da su dole ne a fara sayar da su, wannan shi ne aikin da ya dace a yi domin idan mai kantin sayar da kayayyaki ya yi asarar akan Naira 100 a kowace lita, kuma sai ya koma kasuwa domin ya mayar waccan Naira 100, to a gaskiya ba zai iya dawo da ita ba,” in ji shi.