Peter Obi Ya Kai Wa Iyalan Buhari Ziyarar Ta’aziyya

Peter Obi, ɗan takarar shugaban ƙasa na jam’iyyar LP a zaɓen 2023, ya ziyarci Daura a Jihar Katsina domin yi wa iyalan tsohon Shugaban Ƙasa Muhammadu Buhari ta’aziyya.

Obi, ya ziyarci gidan Buhari a Daura, kwana guda bayan da aka binne tsohon shugaban ƙasar a garinsu.

• Omokri Da Sarki Sun Soki Obi Saboda Rashin Halartar Jana’izar Buhari
• Yara 2 Sun Kuɓuta Bayan Shafe Shekaru 6 A Hannun Boko Haram A Borno

Buhari, wanda ya shugabanci Nijeriya a matsayin soja da kuma mulkin farar hula, an binne shi ne a ranar Talata.

Limamin Babban Masallacin Juma’a na Daura, Sheikh Salisu Rabiu ne, ya jagoranci sallar jana’izar, sannan aka binne shi da misalin ƙarfe 5:50 na yamma.