Abin Da Ya Kamata Ku Sani Dangane Da Wasan Leipzig Da Manchester City

Manchester City mai rike da kambun gasar Uefa Champions League za ta fafata da RB Leipzig ta Jamus a rukunin G ranar Laraba da daddare.

City da Leipzig a halin yanzu suna zaune tare a saman rukunin G bayan da suka doke Red Star Belgrade da Young Boys, bi da bi da ci 3-1 a wasansu na farko makonni biyu da suka wuce.

• An Sace Dalibai Mata 5 A Jami’ar Katsina
• Abbas Ya Yanke Jiki Ya Fadi Yayin Tatance Shi A Majalisa

Die Roten Bullen kamar yadda ake mata lakabi za ta nemi daukar fansa ne a kan Manchester City Ingila bayan ta sha kashi a hannun kungiyar da ci 8-1.

A wasan zagaye na 16 da suka gabata, inda aka tashi kunnen doki 1-1 a gida da ci 7-0 a wasa na biyu.

Duk da sayar da wasu ’yan wasa masu muhimmanci a lokacin bazara, ciki har da Josko Gvardiol ga Man City, RB Leipzig ta fara taka rawar gani a sabuwar kakar wasa ta bana, inda ta yi nasara a wasanni bakwai, ta yi kunnen doki daya, ta kuma yi rashin nasara a wasa daya cikin wasa tara da ta buga.