Manchester City mai rike da kambun gasar Uefa Champions League za ta fafata da RB Leipzig ta Jamus a rukunin G ranar Laraba da daddare.
City da Leipzig a halin yanzu suna zaune tare a saman rukunin G bayan da suka doke Red Star Belgrade da Young Boys, bi da bi da ci 3-1 a wasansu na farko makonni biyu da suka wuce.
Die Roten Bullen kamar yadda ake mata lakabi za ta nemi daukar fansa ne a kan Manchester City Ingila bayan ta sha kashi a hannun kungiyar da ci 8-1.
A wasan zagaye na 16 da suka gabata, inda aka tashi kunnen doki 1-1 a gida da ci 7-0 a wasa na biyu.
Duk da sayar da wasu ’yan wasa masu muhimmanci a lokacin bazara, ciki har da Josko Gvardiol ga Man City, RB Leipzig ta fara taka rawar gani a sabuwar kakar wasa ta bana, inda ta yi nasara a wasanni bakwai, ta yi kunnen doki daya, ta kuma yi rashin nasara a wasa daya cikin wasa tara da ta buga.
