Daga Idris Aliyu Daudawa,
Ranar Laraba ce aka gurfanar da mtane biyu Nicolas Asindu, 43 da Jacob Mashi, a gaban kotun majistare ta Ikeja Legass, inda ake tuhumar su da aikata zamba cikin aminci.Ana dai tuhumar su da samun kudaden da suka kai Naira milyan daya da rabi (1.5 ) da niyyar bayar da haya giuda mai daki biyu na kwana.Asindu, mai shekaru 43, dan kasuwa ne da Mashi, 26, dukkansu masu gadi ne, suna kuma zaune ne a Ikeja, an same su da aikata laifuka uku, wadanda suka hada da hada kai, samun kudade ta hanyar karya, da kuma sata.
Amma basu yarda da sun aikata lafi ba.Mai gabatar da masu laifi mataimakin safurudenda na dansanda (ASP ) Ezekiel Ayorinde, ya bayyanawa kotu cewar mutanen biyu sun aikata laifukan ne ranar 14 ga watan Oktoba 2020 a, Opebi, Legas.Ayorinde ya ce wadanda suka aikata laifin da gangan ne suka samu kudaden, ne daga wurin Sandra Nnamadi da Cynthia Nnamadi, da niyyar samar masu gidan haya, ba layi mai namba sha shida. , Aderoju Adewuyi Ikeja.Bayan da masu shigar da karar suka biya kudin kuma suka kawo kayansu sai mai gidan ya musanta cewar ya san wadanda ake karar.
“Kokarin da masu amsar gidan haya suka yi suka yi na karbo kudadensu daga wadanda ake tuhumar, abin ya ci tura domin ba a same su ba kuma sun ki zuwa lokacin da aka neme su. “Daga baya aka cafke su aka kai su ofishin,’ in ji mai gabatar da kara. Ayorinde ya bayyana cewar laifukan sun sabawa sassa na 287, 314 da kuma 411 na dokar manyan laifuka ta jihar Legas, 2015.
Manema labarai sun ruwaito cewar sashe na 287 yana dauke da hukuncin shekaru uku a gidan yari saboda aikata sata, yayin da kuma sashi na 314 yana dauke da shekaru 15 don amsar kudade ta hanyar da bata dace ba. Alkalin kotun Misis O.A. Layinka ta ba wadanda ake tuhumar belin akan kudi Naira 200,000 kowannen su, tare da mutum biyu wadanda suka tsaya masu. Layinka ya ce wadanda za su tsaya masa su kasance masu aikin yi ne, yadda ya kamata tare kuma da nuna shaidar biyan harajin shekara biyu ga Gwamnatin Jihar Legas.
