Rahotanni sun ce an harbe wani matashi mai suna Umoru Iduh a mazabar Agala-Ogane da ke babban birnin Anyigba a karamar hukumar Dekina a jihar Kogi ta Gabas saboda yunkurin sace akwatin zabe.
Leadership Hausa ta gano cewa an harbe Iduh ne da misalin karfe 10 na safe yayin da ake shirin fara kada kuri’a a rumfar zaben yankin.
- Kwararru Sun Bukaci Gwamnati Ta Zuba Jari A Fasahar Harkokin Sufurin Jirgin Ruwa
- Za A Kawo Karshen Haramtattun Harajin Da Ake Karba A Tashoshin Jiragen Sama
Kamar yadda wani ganau ya bayyana, marigayin ya tunkari wajen kada kuri’a inda ya kwace na’urar BVAS da karfin tsiya.
Marigayi Umoru wanda aka ce ya nuna sha’awarsa ta neman shugaban kungiyar masu daukar kaya ta Anyigba yana da aure da ‘ya’ya biyu.
Kakakin rundunar ‘yansandan jihar, SP William Aya bai yi karin haske kan lamarin ba.
