An Kama Mutum Uku Da Ke Yin Takardun Mota Na Bogi A Kano

Rundunar ‘yansandan jihar Kano ta samu nasarar kama mutum uku da ke yin takardun mota na bogi a Kano.

Mai Magana da yawun rundunar ‘yansanda na jihar Kano SP Abdullahi Haruna Kiyawa ya tabbatar da kama mutanen.

• Kotu Ta Tabbatar Da Kwace Masallacin Juma’a Na Marigayi Sheikh Ja’afar Na Kano

Ya ce, an kama mutanen ne bisa zargin da ake yi musu na satar mota da yin takardun bogi, An kama kama Odinaka Godwin da wasu mutum biyu da aka same su da gwangwanin fentin mota guda tara da lambobin mota da kuma awasu motoci.

Kiyawa ya ci gaba da bayanin cewa, bincike ‘yandandan ya kai ga kama kama wani mutum mai suna Abdulra’uf Olalade mai kimanin shekara 57 da Abdullahi Suleman da kuma Suleman Ibrahim.
Wadanda aka Kaman sun tabbatar da cewa, sun kware wajen sake yi wa mota takardu.

Ya ce, yanzu haka ‘yansandan na ci gaba da bincike, kafin su gurfanar da su gaban manta-sabo.